Pjetër Meshkalla Institute
School of the GesuitiEducazione Network
sqiten

Per conoscerci

RREGJISTRIMET PER VITIN E RI SHKOLLOR 2017-2018

GJIMNAZI PRIVAT “ATË PJETËR MESHKALLA” NJOFTON SE REGJISTRIMI PËR KONKURSIN E PRANIMIT TË NXËNËSVE NЁ KLASЁN E 10-të PËR VITIN SHKOLLOR 2017 – 2018 DO TË JENË NGA E HЁNA 03 PRILL DERI TE PREMTËN 07 PRILL, ORA 15.30 – 18.00 DHE TË SHTUNËN 08 PRILL, ORA 9.00-12.00 PRANË SEKRETARISE SË SHKOLLES.
• NË MOMENTIN E REGJISTRIMIT PRINDI SË BASHKU ME FËMIJËN E TIJ DUHET TË DORËZOJNË KËTO DOKUMENTA:
– ÇERTIFIKATË LINDJEJE.
– VËRTETIM FREKUENTIMI TË KLASËS SË NËNTË NË VITIN SHKOLLOR 2016-2017.
– VLERЁSIMIN E NXЁNЁSIT PЁR SEMESTRIN E PARЁ (KËTO DY DOKUMENTA TË KENË FIRMËN E DREJTORIT DHE VULËN E SHKOLLËS).
– MANDAT PAGESËN E TARIFËS SË REGJISTRIMIT NË KONKURS PREJ 1500 LEKË (TE REJA) QË BËHET NË BANKËN INTESA SAN PAOLO.
JU MIRËPRESIM!

Kαıpóϛ (Kairos) 1 në Shqipëri

Në ditët 16 – 19 shkurt 2017, kemi përjetuar këtu në Shqipëri Kairos 1; ka qënë një përvojë e paharrueshme; të gjithë pjesemarrësit e kanë jetuar këtë eksperiencë në thellësi dhe me gëzim. Kemi jetuar katër (4) ditë me momente lutjeje, reflektimi, bashkendarje dhe surpriza të cilët kanë lënë gjurmë në jetën e secilit prej nesh.
Patjetër qe eksperienzat e reja janë gjithmonë të veshtira për t’u organizuar dhe drejtuar, por, nuk mund të them të njëjtën gjë për KAIROS – in e zhvilluar në Velipojë këtë vit, i cili, ishte i pari në Shqipëri. Përvoja e bërë në tetor në Itali, me disa nxënës të shkollës së rrjetit të Jezuitëve na ka motivuar dhe na ka dhënë shtytjen për t’u vënë me entuziazëm dhe energji në punë me qëllim që t’u transmetojmë miqve tanë atë pasuri që ne vetë kishim marrë.
Edhe pse gjatë përgatitjes kishim dyshime, nganjëherë edhe lodhje dhe ndonjë shkurajim gjithçka shkoi mirë, madje edhe më mirë seç e kishim planifikuar.
Të jetosh katër (4) ditë kaq të thella mund të duken pak, por vlerat e marra gjatë kësaj eksperience janë të shumta dhe zgjasin për të gjithë jetën. Edhe pse në këtë KAIROS 1 ishim në rolin e një LEADER kemi provuar të njëjtat emocione sikurse të ishim pjesëmarrëse dhe mësuam shumë nga bashkëndarjet e secilit prej miqve tanë.
Shpresojmë shumë që KAIROS – i të vazhdojë të organizohet edhe në vitet e ardhshme sepse nga kjo përvojë mund të përfitohet njohja e vetvetes, njohja me të tjerët dhe njohja me Hyjin.
Kjo përvojë është pasuruar edhe me praninë e tetë (8) studentave të shkollës Loyola të Kosovës të shoqëruar nga animatorët e tyre të cilët e kanë përjetuar në thellësi këtë përvojë.
LEADER Paola Qyrsaci, Kristi Brushtulli

Un jam Gentiana Zabelaj e kam pasur fatin të jem pjesë e KAIROS-1 në Shqipëri. Një përvojë e paharrueshme dhe e mrekullueshme. Përpara se të merrja pjesë në këtë eksperience nuk kisha menduar që do të ndikonte kaq thellë në jeten time. Tani nëpërmjet Kairos u dhashë përgjigje disa pytjeve që kisha brenda meje, gjithashtu, kam arritur të njoh më shumë vetveten, të tjerët, dhe kam forcuar miqësinë time me Zotin. Gjatë këtyre katër ditëve kam përjetuar emocione të paharrueshme që do të mbesin në mendjen time dhe në zemrën time si kujtimet më të bukura të kësaj moshe.
Falenderoj nga zemra të gjithë ato që më kanë inkurajuar për të marrë pjesë, në veçanti miqtë tanë LEADER që na kanë dhënë shembullin e të qënurit LEADER, dhe leader per t’u dhuruar të tjerëve.
Gentiana Zabelaj partecipante al Kairos -1

Murales në Shkollën Atë Pjetër Meshkalla

Nxënësit e shkollës sonë, të apasionuar pas pikturës, janë zotuar për të realizuar një murale, në hyrje të shkollës. Ideja, në fillim, nisi si një dëshirë për të gjetur një mënyrë për të njohur të gjithë, për të pasur një imazh të nxënësve dhe mësuesve në shkollë.
Të pyetur, nxënësit e pikturës, të cilët kanë bëra edhe ekspozita pikture në disa aktivitete të tjera të shkollës, kanë dhënë këtë ide: të bëjmë një pemë, ku në degët dhe në gjethet e kësaj peme të jenë vendosur fotot e klasave të dhjeta dhe njëmbëdhjeta; si frutat që ende ka nevojë për të qëndruar në pemë për t’u pjekur. Nga pema shkëputen zogjtë, që janë në fluturimim dhe mbajnë fotografitë e klasave të dymbëdhjeta, të gatshëm për të marrë rrugë të tjera në studim dhe në shoqëri.
Në rrënjët e pemës, është figura e Shën Injacit, që mban foton e mësuesve dhe simbolizon faktin se ushqimi mbi të cilin “frutat” piqen është “cura personalis” për çdo nxënës; një traditë e gjatë e Etërve Jezuitë, të cilët që nga fillimi kanë pasur një nga detyrat parësore të tyre edukimin.
Shumë janë nxënësit që kanë punuar për këtë pikturë; Kanë pikturuar pas orarit mësimor me dëshirë dhe entuziazëm. Puna është unike, por në të është angazhimi dhe origjinaliteti i të gjithëve.
Më poshtë po ju sjellim emrat e atyre që dhanë kontributin e tyre për këtë punë.
Ava Kozmaj 12E, Manjola Ndou 12E, Bora Bojaj 12B, Xhiulio Nika 12D, Erli Marku 12G, Enrik Popaj 12G
Paula Boshi 11A, Xhozef Kaci 11F, Lusiana Kimza 12 G, Xheni Hila 11F

Jezuitët dhe sporti

2-foto-ulur
Në datat 4-7 maj, në qytetin e Torinos në Itali u zhvillua konferenca me temë “Jezuitët dhe sporti”- Miqesi, Loje e drejtë dhe Argëtim (Friendship, Fairplay and Fun). Në këtë aktivitet morën pjesë nxënës të shkollave jezuite nga Shqipëria, Spanja, Malta, Hungaria dhe Italia. Shkolla jonë u përfaqësua nga delegacioni që drejtohej nga mesuesja e fiskulturës Aurora Hila dhe nxënësit Sledja Ishmakej, Klea Gjoni, Gabriel Rakaj dhe Drisela Kullolli.
Gjatë konferencës, e cila u zhvillua gjatë 3 ditëve, delegacionet prezantuan punimet e tyre në lidhje me ndikimin e jezuitëve në zhvillimin e sportit dhe diskutuan për benefitet e sportit në jetën e të rinjeve sidomos.
Të gjithë ditët ishin të mbushura plot me aktivitete nga më të ndryshmet duke i lejuar të rinjtë që merrnin pjese të prezantoheshin dhe të njiheshin me njeri-tjetrin si dhe me kulturat e vendeve të tyre duke i dhënë këtij aktiviteti edhe një pikëpamje kulturore. Të rinjtë patën mundësi të luanin sporte të ndryshme duke vënë në pah rëndësinë e sportit në jetën e tyre.
1-foto-bashke-para-prezantimit
Ishte një eksperiencë e paharrueshme. Çdo gjë ishte e mrekullueshme. Puna në grup, ndihma e vazhdueshme e profesoreshës, Aurora Hila, që na mbështeti në çdo hap të punës sonë, prezantimi atje dhe komplimentet, që morëm, ishin të çmuara. Aktivitetet ishin një kombinim i shkëlqyer i intervistave, aktiviteteve sportive, vizitave në qytet, që e bënë secilën nga ditët që kaluam atje, unike dhe të mrekullueshme. Ne u habitëm nga historia dhe pamjet mahnitëse të qytetit. Familjet ishin mikpritëse dhe shumë të këndshme dhe na bënë ne të ndiheshim si në shtëpi. Na u dha mundësia të socializoheshim me njerëz nga vende të ndryshme dhe të zgjeronim horizontin tonë duke njohur kulturat e tyre. Ne ishim shumë të kënaqur që puna jonë u vlerësua shumë nga mësuesit dhe nxënësit. Koha e shpenzuar atje ishte e mrekullueshme dhe do të mbetet gjithnjë në kujtesën tonë.

Καιρός – Kairos

kairos-nentor-20161Itali – Torino
25-29 tetor 2016
Disa nxënës të shkollës sonë, të shoqëruar nga Maestro Federico Parise dhe motër Flora Gjoka, kanë marrë pjesë në një përvojë shpirtërore të organizuar nga rrjeti injacian i shkollave jezuite në Itali.
Kairos është një përvojë që vazhdon prej vitesh në shkollat e rrjetit, ndërsa për shkollën tonë ka qënë eksperienca e parë. Nga shkolla “Atë Pjetër Meshkalla” morën pjesë nxënësit: Kristian Guri, Enea Guri, Ana Prendi, Kristi Brushtulli, Paola Qyrsaqi, Xhulia Gjergji dhe Xhovana Gjomarkaj.
Çfarë është Kairos?
Domethënia e kësaj fjale vjen nga greqishtja e vjetër që do të thotë: kohë e volitshme në të cilën ndodh dicka e veçantë për atë që e përjeton.
Kairos është një përvojë që ndjek intinerarin e ushtrimeve shpirtërore të Shën Injacit duke u përshtatur moshës e situatave të adoleshenteve, duke punuar shumë mbi afektivitetin dhe emocionet si dhe duke ndihmuar personin që të rritet e të bëhet i lirë nëpërmjet një njohje më të thellë të identitetit të tij në marrëdhënie me vetveten, me të tjerët dhe më Zotin.
Kairos është një moment i veçantë, i shenjtë, i previlegjuar për të zbuluar ku gjendesh në marrëdhënie me dëshirat e tua më të thella, në marrëdhënie me të tjerët dhe me Hyjin.
Nuk ndodh shpesh të kemi momente të tilla për të reflektuar në qetësi.
Disa nxënës u shprehën kështu mbi përvojën e jetuar:
Kristi: Jo të gjithëve ju jepet mundësia të përjetojnë një eksperiencë aq unike dhe të paharrueshme si Kairos. Zgjati pak, por më shërbeu shumë për të njohur njerëz të rinjë dhe për të njohur vetveten. Çdo pjesë e organizimit ishte speciale, mikpritja ishte shumë e ngrohtë dhe kishte shumë surpriza.
Ana: Mister dhe surpriza.
Enea: Emocionuese dhe pozitive.
Falenderojmë shkollën për mundësinë që na ka dhënë për të jetuar një përvojë të tillë duke shpresuar që kjo përvojë të realizohet edhe në shkollën tonë.
kairos-nentor-20162

Misioni i ndryshimit në duart tona

Dëshira jonë ka qenë për të bashkuar shumë elemente në një pikturë të vetme. Në sfond është dielli që në momentin e perëndimit simbolizon shpresën e fundit i cili me rrezet e tij flakëron para se errësira të mbulojë vendin. Në pikturë vihet re edhe libri, është Bibla simbol i urtisë së Hyjit; fletët e librit të shpërndara janë fletët e dijes dhe të tejçimit të misionit për të ndihmuar botën. Së fundi duart që mbajnë botën, janë duart e gjithësecilit prej nesh që mund të bëjnë diçka edhe të vogël që bota të jetë më e mirë.

*Për të parë foton me rezolucion më të lartë, kliko këtu.

Pema e bashkimit

Kemi paraqitur një pemë me rrënjët dhe degët e saj: rrenjët simbolizojnë antikitetin duke dhënë idenë që ato  kanë qenë  aty për një kohë shumë të gjatë. Në rrënjë janë të shkruara disa vlera pa të cilat  pema (njeriu) nuk mund të ketë jetë. Pema  është e mbuluar nga një sferë e gjelbër e cila simbolizon botën, jetën e universit. Sipër  sferës  qëndrojnë të përqafuar  dy persona që simbolizojnë njerëzimin i cili është i thirrur për të jetuar në harmoni me njëri-tjetrin sipas projektit fillestar të krijuesit.

*Për të parë foton me rezolucion më të lartë, kliko këtu.

Sytë e paqes

Piktura jonë paraqet një vajzë që vë në dukje vuajtjet e jetës: në qafë mban një zinxhir i cili simbolizon ndjenjat negative. Zinxhiri këputet në momentin kur vajza zbulon në vetvete dashurinë dhe paqen që ndjen nga brenda. Sytë e saj shprehin paqen, duart shprehin lirinë e saj për të qenë e hapur kundrejt jetës që i ofron vazhdimisht mundësinë për të jetuar lirinë e vërtetë.

*Për të parë foton me rezolucion më të lartë, kliko këtu.

Ne jemi një

Papa Françesku u drejtohet të rinjve duke thënë: “Jini të bashkuar dhe ecni drejt një rruge të vetme”. Me këtë pikturë kemi dashur të paraqesim shumë rrugë të ndryshme që përfaqësojnë gjithësecilin prej nesh (me prejardhje dhe përkatësi besimi dhe feje të ndryshme) në ecje drejt një rruge të vetme që na bashkon me Krijuesin. Për këtë piktura jonë mban titullin “Të jemi një”.

*Për të parë foton me rezolucion më të lartë, kliko këtu.

Struktura

Stafi edukativ

Aktivitete kurrikulare integrative

Aktivitite ekstrakurrikulare

Chiudi notifica

Gesuitinetwork - Normativa Cookies

I cookies servono a migliorare i servizi che offriamo e a ottimizzare l'esperienza dell'utente. Proseguendo la navigazione senza modificare le impostazioni del browser, accetti di ricevere tutti i cookies del nostro sito. Qui trovi maggiori informazioni